ދެކުނުގެ ރަށެއްގައި އުމުރުން 13 އަހަރުގެ އަންހެން ކުއްޖަކަށް ޖިންސީ އަނިޔާކުރި ކަމުގެ ތުހުމަތުގައި އެ ކުއްޖާގެ ބައްޕަ ހައްޔަރުކޮށްފި އެވެ.
ފުލުހުންގެ މީޑިއާ އޮފިޝަލަކު މީޑިއާތަކަށް ވިދާޅުވީ، އެ މައްސަލައިގައި ހައްޔަރުކުރީ އިތުބާރު ކުރެވޭ މަގާމެއްގައި ހުރި އުމުރުން 41 އަހަރުގެ ދިވެހި ފިރިހެނެއް ކަމަށެވެ.
އޭނާ ހައްޔަރުކުރީ އެ ކުއްޖާއަށް ޖިންސީ ގޯނާކުރުމުގެ އިތުރުން ޖިސްމާނީ އަނިޔާ އާއި ނަފުސާނީ އަނިޔާ ކޮށްފައިވާ ކަމަށް ތުހުމަތު ކުރެވިގެން މިދިޔަ އޮގަސްޓް މަހުގެ 31 ވަނަ ދުވަހު ހުށަހެޅި ރިޕޯޓަކާ ގުޅިގެން ކަމަށްވެސް ބުންޏެވެ. އެއީ މީގެ ހަތަރު ދުވަސް ކުރި އެވެ.
މި މައްސަލަ ފުލުހުން ތަހުގީގު ކުރަމުންދާ ކަމަށް އެ އިދާރާ އިން ބުނެ އެވެ.
ކޮމެންޓް