ފުލުހުންގެ މައި އިދާރާ
އޭސީ އައުޓްޑޯ ޔުނިޓެއް ވަގަށް ނެގި މައްސަލައެއްގައި ހައްޔަރުކުރި މީހަކު، އެއީ މީހަކު ބުނެގެން އޭނާ ކޮށްދިން ކަމެއް ކަމަށް ކޯޓުގައި ބުނެފި އެވެ.
މި މައްސަލައިގައި ހައްޔަރުކުރީ ށ. މިލަންދޫއަށް އުފަން 29 އަހަރުގެ މީހެކެވެ.
އޭނާގެ ބަންދާމެދު ގޮތެއް ނިންމުމަށް އިއްޔެ ކޯޓަށް ހާޒިރުކުރުމުން ވަނީ 15 ދުވަހަށް ބަންދުކޮށްފަ އެވެ.
ބަންދު މަޖިލީހުގައި އެ މީހާ ވަނީ ވަކީލެއްގެ ފުރުސަތު ބޭނުން ނުވާ ކަމަށް ބުނެފަ އެވެ. އަދި އޭނާ ވަގަށް ނެގި ކަމަށް ބުނާ އޭސީ އައުޓްޑޯ ޔުނިޓަކީ މީހަކު ބުނެގެން ބޭރަށް ނެރެދިން އެއްޗެއް ކަމަށްވެސް ބުންޏެވެ.
އޭނާގެ ބަންދުގެ މުއްދަތު ޖެހި އަމުރުގައި ބުނެފައިވާ ގޮތުން އޭނާއަކީ ވައްކަމާއި މަސްތުވާތަކެތީގެ މައްސަލަތަކުގައި ހައްޔަރު/ ބަންދު ރެކޯޑް ގިނަ ފަރާތެކެވެ.
ކޮމެންޓް