ރައީސް މުއިއްޒު އެންމެ ދެކުނަށް، ފުރަތަމަ އައްޑުއަށް

ރައީސް ޑރ. މުހައްމަދު މުއިއްޒު، ރާއްޖޭގެ އެންމެ ދެކުނުގެ ހަތަރު އަތޮޅަށް ކުރައްވާ ދަތުރުފުޅެއްގައި މިއަދު ފުރާވަޑައިގެންފި އެވެ.

ސަރުކާރުގެ މަތީފަންތީގެ ވަފުދަކާއެކު ރައީސް މިއަދު ފެއްޓެވި އެ ދަތުރުފުޅުގެ ތެރެއިން މިއަދު ހެނދުނު ވަޑައިގެންނެވީ އައްޑޫ ސިޓީއަށެވެ. އެ މަނިކުފާނު އައްޑޫއަށް ފައިބައިވަޑައިގަތުމާއެކު އެ ސިޓީގެ ރައްޔިތުންގެ ފަރާތުން ހޫނު މަރުހަބާއެއް ދެންނެވި އެވެ.

ރައީސް މުއިއްޒުގެ މި ދަތުރުފުޅުގައި ސިޓީތަކާއި ރަށްރަށުގެ ކައުންސިލްތަކާއި އަންހެނުންގެ ތަރައްގީއަށް މަސައްކަތްކުރާ ކޮމިޓީތަކާ ބައްދަލުކުރައްވާނެ އެވެ.

އަދި ސިޓީތަކާއި ރަށްރަށުގެ ރައްޔިތުންނާ ބައްދަލުކުރައްވައި ތަރައްގީއަށް އެންމެ މުހިންމު މަޝްރޫއުތަކާއި ރައްޔިތުންނަށް އެންމެ ބޭނުންވެފައިވާ ކަންކަމާ ގުޅޭ ގޮތުން މަޝްވަރާ ކުރައްވާނެ އެވެ.