ރ. އަތޮޅުގައި އޮންނަ އިފުރު އައިލެންޑް ރިސޯޓުން ސްނޯކްލިންއަށް ދިޔަ އެ ރިސޯޓުގެ މުވައްޒަފު ގެއްލިގެން އޭނާ ހޯދުމުގެ މަސައްކަތް ފުލުހުންނާއި ސިފައިން ފަށައިފި އެވެ.
ފުލުހުންގެ މީޑިއާ އިން ފޮނުވި މެސެޖެއްގައި ބުނީ، އެ މުވައްޒަފު ގެއްލުނީ އިއްޔެ މެންދުރުފަހު 3:35 ހާއިރު ކަމަށާއި އެ ހާދިސާ ފުލުހުންނަށް ރިޕޯޓް ކުރީ އިއްޔެ ހަވީރު 4:09 ހާއިރު ކަމަށެވެ.
ގެއްލިގެން ހޯދަމުންދަނީ އިންޑިއާއަށް ނިސްބަތްވާ ޕަރަމްޖީތް ސިންގް ރަވާތް ނަމަކަށް ކިޔާ ފިރިހެނެއް ކަމަށްވެސް ފުލުހުން ބުންޏެވެ.
އެ މައްސަލަ ފުލުހުން ތަހުގީގު ކުރަމުން އަންނައިރު، ގެއްލިގެން އުޅޭ މީހާ ހޯދުމުގެ މަސައްކަތް ސިފައިންވެސް ދަނީ ކުރަމުންނެވެ.
ކޮމެންޓް