ރައީސްގެ ދެކަނބަލުން
ނުރަސްމީ ދަތުރުފުޅެއްގައި ރައީސް ޑރ. މުހައްމަދު މުއިއްޒާއި އެ މަނިކުފާނުގެ އަނބިކަނބަލުން މެޑަމް ސާޖިދާ މުހައްމަދު، މިރޭ އިނގިރޭސި ވިލާތަށް ފުރާވަޑައިގެންފި އެވެ.
ރައީސް އޮފީހުން ބުނީ، އެ ދަތުރުފުޅުގައި ރައީސް ކުރައްވާ އިދާރީ މަސައްކަތްޕުޅުތަކުގެ ހަރަދާއި އާއިލާއާއި އަމިއްލަފުޅު ކަންކަންވެސް ހިމެނޭ ގޮތުން، މުޅި ދަތުރުފުޅުގެ ހުރިހާ ހަރަދެއްވެސް ކުރައްވާނީ ރައީސް އަމިއްލަފުޅަށް ކަމަށެވެ.
ނަމަވެސް މިއީ ކިތައް ދުވަހުގެ ދަތުރުފުޅެއް ކަމެއް އަދި އެނބުރި ރާއްޖެ ވަޑައިގަންނަވާނީ ކޮންއިރަކު ކަމެއް ރައީސް އޮފީހަކުން ނުބުނެ އެވެ.
ރައީސްގެ ދެކަނބަލުން އެންމެ ފަހުން ނުރަސްމީ ދަތުރުފުޅެއްގައި ރާއްޖެއިން ބޭރަށް ވަޑައިގެންނެވީ މިދިޔަ އޮގަސްޓް މަހުގެ ތެރޭގަ އެވެ. އެ ފަހަރު ވަޑައިގެންނެވީ ސިންގަޕޫރަށެވެ.
ކޮމެންޓް