ކޮމިޝަނާ ޖެނަރަލް އޮފް ކަސްޓަމްސް ޔޫސުފް މާނިއު މުހައްމަދު
ކޮމިޝަނާ ޖެނެރަލް އޮފް ކަސްޓްމްސްގެ މަގާމުން ހޯމް މިނިސްޓްރީގެ ސްޓޭޓް މިނިސްޓަރަކަށް ބަދަލު ކުރި ޔޫސުފް މާނިއު މުހައްމަދު، ސްޓޭޓް މިނިސްޓަރުކަމުން އިސްތިއުފާ ދެއްވައިފި އެވެ.
ކަސްޓަމްސްގެ، ކޮމިޝަނާ ޖެނެރަލް މަގާމުން މާނިއު ވަކިކޮށް ހޯމް މިނިސްޓްރީ އަށް ބަދަލު ކުރީ މިދިޔަ ހޯމަ ދުވަހު އެވެ.
ހޯމް މިނިސްޓްރީގެ ސްޓޭޓް މިނިސްޓަރެއްގެ ވަޒީފާ މާނިއުއަށް ދިން ނަމަވެސް އޭނާ އެ ވަޒީފާއަށް ނުނިކުންނަވަ އެވެ.
އެނގިފައިވާ ގޮތުގައި ސްޓޭޓް މިނިސްޓަރުކަމުން މާނިއު އިސްތިއުފާ ދެއްވީ މިއަދުގެ ވަގުތެއްގަ އެވެ. އެކަމާ ގުޅޭ އިތުރު މައުލޫމާތު ހޯދަން މާނިއުއަށް ގުޅުމުން ފޯނަށް ޖަވާބުދީފައިނުވެ އެވެ.
މާނިއުގެ ބަދަލުގައި ކަސްޓަމްސްގެ ކޮމިޝަނާ ޖެނެރަލަކަށް އައްޔަން ކޮށްފައި ވަނީ ކަސްޓަމްސްގެ ޑެޕިއުޓީ ކޮމިޝަނަރުގެ މަގާމުގައި މިހާތަނަށް ހުންނެވި ފާތިމަތު ދިޔާނާ އެވެ.
ކޮމެންޓް