ރައީސް އޮފީސް
ރައީސް އޮފީހުން ބޭނުންކޮށް ބާވެ ހަލާކުވެފައިވާ އޭސީތަކަކާއި ހޮޅިތަކެއް ނީލަމުގައި ވިއްކާލަން އިއުލާންކޮށްފި އެވެ.
ރައީސް އޮފީހުން އިއްޔެ ކުރި އިއުލާނެއްގައި ބުނީ އެ އޮފީހުގައި ހުރި ބާވެ ހަލާކުވެފައިވާ ބައެއް ތަކެތި ދުވަހު ނީލަމުގެ އުސޫލުން ނީލަން ކިޔުން އަމީނީމަގުގައި ހުންނަ ރިހިޖެހިކޮށީގައި މި މަހުގެ 21 ވަނަ ދުވަހުގެ ހެނދުނު 10:00 ގައި ކުރިއަށްދާނެ ކަމަށެވެ.
ނީލަމުގައި ބައިވެރިވުމަށް ބޭނުންވާ ފަރާތްތަކުން، ދިވެހި ރައްޔިތެއްކަން އަންގައިދޭ ކާޑު ހިފައިގެން، އެ ދުވަހު ހާޒިރުވުމުން ނީލަމުގައި ބައިވެރިވެވޭނެ ކަމަށް ވެސް ބުންޏެވެ.
ރައީސް އޮފީހުން ނީލަން ކިޔުމަށް ހަމަޖެހިފައިވާ ތަކެތި:
8 އަހަރު ވެފައިވާ އެލްޖީ ބްރޭންޑުގެ ތިން އައުޓްޑޯ އޭސީ
9 އަހަރު ވެފައިވާ އޮޓޯ ބެރިއާ ޕާކިން ގޭޓް ސިސްޓަމެއް
14 އަހަރު ވެފައިވާ ހައި ޕްރެޝާ ކްލީނަރެއް
17 އަހަރު ވެފައިވާ 9 އޭސީ
17 އަހަރު ވެފައިވާ 10 އެލުމިނިއަމް ދަގަނޑު ހޮޅި
17 އަހަރު ވެފައިވާ 5 އެސްއެސް ހޮޅި
17 އަހަރުވެފައިވާ 6 ޖުންގު
17 އަހަރުވެފައިވާ 2 ލަކުނޑި ދިދަ ދަނޑި
ކޮމެންޓް